basilika

Basilika podcasting espazioa 2021ean abiatu zen, eta hasieran bost programek hasi zuten: Sakoneta, Berdela, Zeelanda Berria, Sector Conflictivo eta Phoenix Ragazza. Gerora, beste zazpi gehitu dira: Koro, Besaulkia, Informe Infame, Klub Kutun, Mamuta, Ezkaratza eta Formaedukia. Programak beraien artean independenteak dira, eta, aldi berean, elkarren artean etengabeko elkarrizketa sortzen dute, hurbiltasuneko ehun bizi bat. Taldeak kultur ekoizpenari sakontasunez heltzeko nahia zertzen du, baina baita pentsamendu bakartitik ateratzeko, hedatzeko, loturak sortzeko nahia ere. Basilikari hasiera eman genion, besteak beste, euskal esfera publikoan pentsamendu kritikoa garatzeko eta kritika kulturalaren tradizio historiko eta mediatikoari lotutako modu berritzaileetan eragiteko.