maite pinto

UPV/EHUn eta Manchester School of Arten (Erresuma Batua) graduatutako diziplina anitzeko artista da. Memoriari eta identitateari heltzen die bere jarduera artistikoak. Familiako, historiako eta kazetaritzako artxiboetako irudiak erabiltzen ditu, agiri intimoak unibertsalizatu eta partekatzeko helburuarekin. Bere jarduera artistikoaren bidez, teknika grafikoak erabilita arakatzen ditu artxiboak eta horrek aukera ematen dio memoriari eta bere iheskortasunari buruz hausnartzeko. Hainbat erakusketetan hartu du parte eta egonaldi nazionalak zein nazioartekoak egin ditu. Egun UPV/EHUko Ikerketa Arte Garaikidean doktoregoa hasita dago.