taxio ardanaz

Iruñea, 1978. Bilbon bizi da eta bertan egiten du lan. Euskal Herriko Unibertsitateko Arte Ederretako lizentziaduna da, eta bere formakuntza hainbat artista eta komisariorekin zabaldu du, hala nola Julie Mehretu, Esther Ferrer, Itziar Okariz, Andrés Duque, Miroslaw Balka edo Peio Aguirre. Azken urteotan egonaldiak egin ditu hainbat erakundetan: Tabakalera Donostia, Espainiako Errege Akademia Erroman, Amna Suraka (Irakeko Kurdistan), Artista x Artista (La Habana), Kunsthaus Bregenz eta Oficina de Arte (Mexiko Hiria).

Banakako erakusketa asko egin ditu: Galería Carreras Múgica (2023 eta 2017), Bilbon; Galería Pelaires (2022), Palma Mallorcakoan; El Sario, UPNA (2021), Iruñean; Tabacalera Promoción del Arte (2017), Madrilen; Artista x Artista (2016), La Habanan; eta Ateneo Español de México (2012), Mexiko Hirian.

Egin dituen azken talde-erakusketen artean, honako hauek gailentzen dira: “Premi Ciutat de Palma Antoni Gelabert d’Arts Visuals 2023”, “Ante el recuerdo desmantelado: memoria y Guerra civil” (Bakearen Museoa, Gernika), “Roma Akademia” (Azkuna Zentroa) eta “Complexo Colosso” (CIAJG, Guimarães).