gizon txikia ez denean- hylé-morphé
Arin-astuna. Batek ezer jakin gabe, zuzenketa batzuk hauteman daitezke gauzak elkarren artean bermatzeko eta pausatzeko moduan, zalantza egitean gauza “mugituak” utzitako lorratzak inguruko espazio osoa eraginpean hartu eta beteko balu bezala. Argazki bat –argazkia baino ez da geratzen–, “Kitchen’s Queen” izenburukoa, plater eta katilu mordoaren artean, zortzi titiko figuratxo bat; zentzugabekeria nabaria eta eldarniozkoa “escena de campo 6” obrako marrazkietan; edota “Pantocrator” baten figura metonimiko zirraragarria Argi-arkua obran.
Hitzaren imintziorik txikiena, “mugimendu” hautemanezina eta “betegarri” ikusezina; eta horretatik abiatuta, dena: takoidun zapata baten profila osatzen duten DM zati batzuk gauza bigun bat sostengatzeko bermea dira, eta pausatuta dagoen gauza biguna zatiketa eta itxitura da, arinaren eta astunaren artekoa, tamainarik gabeko baliokidetasunen eta eskalen joko horretan, gizontxoa –hori– ez dagoenerako. “Gizontxoak” egiteaz edo marrazteaz ari garenean bezala.
Jarduera osagarriak
Inaugurazioa: urriaren 4an 19:00etan
Erakusketaren aldi berean, bi jarduera osagarri proposatuko dira:
– Erakusketaren aurkezpena, Iñaki Garmendia komisarioa eta Miel Oyarzabal, Oier Iruretagoiena eta Itziar Bilbao Urrutia artista gonbidatuen eskutik. | Urriak 4, ostirala, 19:00etan
– An invitation to view: H.B. (2019); Edorta Langara “Pixi” (Andoain, 1972). Lehenik eta behin, Edorta Langarak (“Pixi”) “H.B.” (2006) instalazioa berriz bisitatzea proposatzen digu orain. Saio “mintzatu” baten bidez eta irudien eta soinu-sorpresa batzuen laguntzarekin, pieza hori egitera eraman zuen imajinarioan murgilduko gaitu. Erabateko esperientzia performatiboa, “Andoainen egina”. | Azaroak 9, larunbata, 18:00etan