eremuak kritikarako espazio berri bat inauguratzen du. Hau arte-kritikaren egungo egoerari buruzko diagnostiko posible baten inguruan eztabaidatzeko lan-mahai eta gonbidapenen emaitza gisa sortutako proposamena da, baita haren egokitasunaz aritzeko ere.
Artearen eta bere inguru sozial, politiko eta kulturalarekin elkarrizketa sustatzeko konpromisotik abiatuta, espazio berri hau kritika-lana eta haren formatuak zalantzan jartzeko gune gisa aurkezten da.
Lehen fasean, txandako izaerarekin, eremuak pertsona bat gonbidatuko du HARRIAK programako erakusketa bakoitzari buruzko kritika egiteko. 2025ean hasiko da, Julen García Muela (Beasain, 1993) artistarekin, eta 90 km aho-zirika erakusketarekin.
Hedapen-kanalak tokiko komunikabideak, eremuak-en webgunea eta sare sozialetan horretarako prestatutako espazioak izango dira.
Espazio berri hau sortuta, eremuak artxibo eta memoria-lanari lagundu nahi dio, etorkizuneko begirada kritikoetarako materiala eskainiz.