temple of doom
13/10/2017
“Temple of Doom” egitasmoko posterrak izenburu berberarekin egin nuen filmaren zati dira. Ez dira filmean azaltzen, baina horren osagai dira. Hitzaurrea dira, film beldurgarri baten promesa, eta baita amaiera ere, gainerakoa, film beldurgarri baten oihartzuna. “Temple of Doom” egitasmoaren prozesuan zehar marrazkia eta bideoa elkartu ziren, fantasiazko potentzia batean sartuta. Gauaren erdian bideoa grabatu eta egun argiz marraztearen emaitza dira poster hauek, filma bera direnak, logelako bisitariak, landareetatik datorren sorginkeria madarikatua, argia egongelan, leihoak eskaintzen duen ikuspegia.
Tabakalera Kultura Garaikidearen Nazioarteko Zentroaren lankidetza izan du proiektuak 2017an zehar.